ANONIMI
Carmina
Anthologiae Latinae

(72-77)

R. = ed. RIESE

 

 
72. DE ROSIS
     84 R.
 
   
<A> quales ego mane rosas procedere vidi!
Nascebantur adhuc neque erat par omnibus aetas.
Altera puniceos ap<i>ces unbome levabat,
        tertia non totum calathi patefecerat orbem,
     5 quarta simul nituit nudato germine floris.
  Dum levat una caput dumque explicat altera nodum
  necdum virgineus pudor exsinuatur amictu,
  ne pereant, lege mane rosas. <Cito> virgo senescit.
   
   
   
    73. DE ROSA   85 R.  
     
  Aut hoc risit Amor aut hoc de pectine traxit
  purpureis Aurora comis aut sentibus haesit
    Cypris et hic spinis insedit <s>anguis acutis.
   
   
   
    74. DE ROSIS      86 R.  
     
    Hortus erat Veneris, roseis circumdatus herbis,
    gratus ager dominae, quem qui vidisset amaret.
  Dum puer hic passim properat decerpere flores
  et velare comas, spina libavit acuta
     5 marmoreos digitos. Mox, ut dolor attigit artus
  sanguineaque manu tinxit sua lumina gutta,
    pervenit ad matrem frendens defertque querellas:
    "Unde rosae, mater, coeperunt esse nocentes,
    unde, tui flores, punctu<que> latentibus armis  
   10 bella gerunt mecum? † Floris est color et cruor unum †
    ...............................................................................
   
   
   
    75. FLORI     87 R.

 
       
  Venerunt aliquando rosae. Pro veris amoeni  
  ingenium! Una die<s> ostendit spicula florum,  
    altera pyramidas nodo maiore tumentes,
    tertia iam calathos; totum lux quarta peregit
     5 floris opus. Pereunt hodie, nisi mane legantur.  
   
   
   
    76. DE MVSIS    88 R.  
       
  Clio saecla retro memorat sermone soluto.  
  Euterpae geminis loquitur cava tibia ventis.  
  Voce Thalia cluens soccis dea comica gaudet.  
  Melpomene reboans tragicis fervescit iambis.  
     5 Aurea Terpsichorae totam lyra personat aethram.
  Fila premens digito Erato modulamina fingit.
    Flectitur in faciles variosque Polymnia motus.  
    Uranie numeris scrutatur sidera mundi,  
    Calliope doctis dat laurea serta poetis.  
   
   
   
    77. EIVSDEM     89 R.  
       
    Stat duplex nullo conpletus corpore Chiron.  
       

 

Back to Rare texts page

 

Torna alla pagina philologica

 

 

Back to philological page