 |
|
 |
 |
 |
|
|
|
|
|
|
|
|
|
|
|
1. AD STILICHONEM [= Fesc. III (13)] |
||||
| Solitas galea fulgere comas, | ||||
| Stilicho, molli necte corona. | ||||
| Cessent litui saevumque procul | ||||
| Martem felix taeda releget. | ||||
| 5 | Tractus ab aula rursus in aulam | |||
| redeat sanguis. Patris officiis | ||||
| iunge potenti pignora dextra. | ||||
| Gener Augusti pridem fueras, | ||||
| nunc rursus eris socer Augusti. | ||||
| 10 | Quae iam rabies livoris erit? | |||
| Vel quis dabitur color invidiae? | ||||
| Stilicho socer est, pater est Stilicho. | ||||
| 2. DESCRIPTIO
PORTVS ZMYRNENSIS |
||||
| Urbs in conspectu montana cacumina velat | ||||
| tranquillo praetenta mari. Ducentia portum | ||||
| cornua pacatas removent Aquilonibus undas. | ||||
| Hic exarmatum terris cingentibus aequor | ||||
| 5 | clauditur et placidam discit servare quietem. | |||
| 3. AD AETERNALEM | ||||
| Quidquid Castalio de gurgite Phoebus anhelat, | ||||
| quidquid fatidico mugit cortina recessu, | ||||
| carmina sunt, et verba negant communia Musae. | ||||
| Carmina sola loquor: sic meus me inflavit Apollo. | ||||
| 4. DESCRIPTIO ARMENTI | ||||
| Non tales quondam species tulit armentorum | ||||
| tellus tergemino subdita Geryonae. | ||||
| Non tales, Clitumne, lavas in gurgite tauros, | ||||
| Tarpeio referunt quos pia vota Iovi. | ||||
| 5 | Non talis Tyrias sparsisse iuvencus harenas | |||
| dicitur, optatum quando revexit onus. | ||||
| Non Cretaeus ager nec amati conscia tauri | ||||
| Cnosos nec similes paverit Ida feros. | ||||
| Ipse et dispariles monstro commissus in artus, | ||||
| 10 | qui crimen matris prodidit ore novo, | |||
| Cres puer haud talem potuisset reddere formam, | ||||
| praestarent totum si fera membra patrem. | ||||
| 5.
"EST IN SECESSV LONGO LOCVS" |
||||
| Est procul ingenti regio summota recessu, | ||||
| insula qua resides fluctus mitescere cogit | ||||
| in longum producta latus, fractasque per undas | ||||
| ardua tranquillo curvantur bracchia portu. | ||||
| 6. "RIMANTI
TELVM IRA FACIT" |
||||
| In iaculum quodcumque gerit dementia mutat. | ||||
| Omnibus armatur rabies. Pro cuspide ferri | ||||
| cuncta volant, dum dextra ferox in vulnera saevit. | ||||
| Pro telo geritur quidquid suggesserit ira. | ||||
| 7. DE QUADRIGA MARMOREA | ||||
| Quis dedit innumeros uno de marmore vultus? | ||||
| Surgit in aurigam currus, paribusque lupatis | ||||
| unanimi frenantur equi: quos forma diremit, | ||||
| materies cognata tenet discrimine nullo. | ||||
| 5 | Vir redit in currum; ducuntur ab axe iugales; | |||
| ex alio se quisque facit. Quae tanta potestas? | ||||
| Una silex tot membra ligat ductusque per artem | ||||
| mons patiens ferri varios mutatur in artus. | ||||
| 8. DE POLYCASTA ET PERDICE | ||||
| Quid non saevus Amor flammarum numine cogat? | ||||
| Sanguinis affectu mater amare timet | ||||
| Pectore dum niveo miserum tenet anxia nutrix | ||||
| inclitos ignes iam fovet ipsa parens. | ||||
| 5 | Ultrices pharetras tandem depone, Cupido. | |||
| Consule iam Venerem:
forsan et ipsa dolet.
|
||||
|
|
|
|