Torna alla pagina filologica

Inviate i vostri commenti

 
CLAVDIANI


Carmina minora 51 - 52B

 

   
51. IN SPHAERAM ARCHIMEDIS
   
         
    Iuppiter in parvo cum cerneret aethera vitro,    
        risit et ad superos talia dicta dedit:    
    " Hucine mortalis progressa potentia curae?    
        Iam meus in fragili luditur orbe labor?    
           5 Iura poli rerumque fidem legesque dierum    
        ecce Syracosius transtulit arte senex.    
    Inclusus variis famulatur spiritus astris    
        et vivum certis motibus urget opus.    
    Percurrit proprium mentitus Signifer annum,    
           10     et simulata novo Cynthia mense redit.    
    Iamque suum uolvens audax industria mundum    
        gaudet et humana sidera mente regit.    
    Quid falso insontem tonitru Salmonea miror?    
        Aemula naturae parva reperta manus. "

   
   
52 A. DE LANARIO
   
         
    Sordidus ex umeris nodo dependet amictus    
       
   
52 B. FRAGMENTVM
   
         
    Exercentur equis et colla comantia pectunt