 |
|
 |  |  |
Praefatio
| Carmina per thalamum quamvis festina negare | ||
| nec volui genero nec potui socero. | ||
| Hic socius, dux ille mihi, nostrique per aulam | ||
| ordinis hic consors, emicat ille prior. | ||
| 5 | Hunc mihi coniungit studiis communibus aetas; | |
| illum praeponit vel senium vel honos. | ||
| Carmen amor generi, soceri reverentia poscit | ||
| officio vatis, militis obsequio. |
| Forte Venus blando quaesitum frigore somnum | ||
| vitibus intexti gremio successerat antri | ||
| densaque sidereos per gramina fuderat artus | ||
| adclinis florum cumulo; crispatur opaca | ||
| 5 | pampinus et mites undatim ventilat uvas. | |
| Ora decet neclecta sopor; fastidit amictum | ||
| aestus et exuto translucent pectore frondes. | ||
| Idaliae iuxta famulae triplexque vicissim | ||
| nexa sub ingenti requiescit Gratia quercu. | ||
| 10 | Pennati passim pueri quocumque vocavit | |
| umbra iacent; fluitant arcus ramisque propinquis | ||
| pendentes placido suspirant igne pharetrae. | ||
| Pars vigiles ludunt aut per virgulta vagantur, | ||
| scrutantur nidos avium vel roscida laeti | ||
| 15 | mala legunt, donum Veneri, flexusque secuntur |